ರಾಜ್ಯ ನಾಟಕದ ಆನಿಮೇಶನ್ ಸೀರೀಸ್!

(ಬೊಗಳೂರು ನಾಟಕ ಮಂಡಳಿ ಬ್ಯುರೋದಿಂದ)

ಬೊಗಳೂರು, ಅ.12- ರಾಜ್ಯ ನಾಟಕರಂಗದಲ್ಲಿ ಇದೀಗ ನಡೆಯುತ್ತಿರುವ ನಾಟಕೀಯ ದೃಶ್ಯಾವಳಿಗಳನ್ನು ಆನಿಮೇಶನ್ ಸೀರೀಸ್‌ನಲ್ಲಿ ಪ್ರಕಟಿಸಲು ಕೇಂದ್ರೀಯ ನಾಟಕ ಕಂಪನಿ ನಿರ್ಧರಿಸಿದೆ.

ರಾಜ್ಯದಲ್ಲಿ ಕುದುರೆಗಳು ಸಾಕಷ್ಟಿವೆ. ಅವುಗಳ ಭರ್ಜರಿ ಮಾರಾಟವಾಗಬೇಕಿದೆ. ಕೆಲವು ಕತ್ತೆಗಳು ಕೂಡ ಕುದುರೆ ರೂಪದಲ್ಲಿ ಕಾರ್ಯಾಚರಿಸುತ್ತಿರುತ್ತವೆ. ಆದರೂ ಈ ಎಲ್ಲಾ ಕುದುರೆಗಳ ವ್ಯಾಪಾರಕ್ಕೆ ಅನುಕೂಲವಾಗುವಂತೆ ಈ ಆನಿಮೇಶನ್ ಸೀರೀಸ್ ಪ್ರಕಟಿಸಲಾಗುತ್ತದೆ ಎಂದು ಕಾಂಗ್ರೆಸ್ ಕೃಪಾಪೋಷಿತ ಕೇಂದ್ರೀಯ ನಾಟಕ ಕಂಪನಿ ಯುಪಿಎ ತಿಳಿಸಿದೆ.

ಈ ಕುದುರೆ ವ್ಯವಹಾರವನ್ನು ಉತ್ತೇಜಿಸುವ ನಿಟ್ಟಿನಲ್ಲಿ ಕರುನಾಟಕದ ನಾಟಕ ಕಂಪನಿಗಳ ನಾಟಕಗಳನ್ನು Suspended Animation ಸರಣಿಯಲ್ಲಿ ಪ್ರಕಟಿಸಲಾಗುವುದು ಎಂದು ಏನೂ ಬಲ್ಲದ ಮೂಲಗಳು ಬೊಗಳೆ ರಗಳೆಗೆ ತಿಳಿಸಿವೆ.